Source: Budge, E. A. W. (Ed.). (1898). ⲡϫⲱⲱⲙⲉ ⲛ ⲛⲉⲯⲁⲗⲙⲟⲥ, The earliest known Coptic Psalter. London: K. Paul, Trench, Trübner.
ⲛⲁⲓⲁⲧϥ ⲙ ⲡⲣⲱⲙⲉ ⲉⲧⲉ ⲙⲡⲉϥⲃⲱⲕ ϩⲙ ⲡϣⲟϫⲛⲉ ⲛ ⲛⲁⲥⲉⲃⲏⲥ
ⲉ-ⲙⲡⲉϥⲁϩⲉⲣⲁⲧϥ ϩⲓ ⲧⲉϩⲓⲏ ⲛ ⲛⲣⲉϥⲣ-ⲛⲟⲃⲉ
ⲉ-ⲙⲡⲉϥϩⲙⲟⲟⲥ ϩⲓ ⲧⲕⲁⲑⲉⲇⲣⲁ ⲛ ⲛⲗⲟⲓⲙⲟⲥ.
ⲁⲗⲗⲁ ⲉⲣⲉ-ⲡⲉϥⲟⲩⲱϣ ϣⲟⲟⲡ ϩⲙ ⲡⲛⲟⲙⲟⲥ ⲙ ⲡϫⲟⲉⲓⲥ
ⲁⲩⲱ ϥⲛⲁⲙⲉⲗⲉⲧⲁⲛ ⲙ ⲡⲉϥⲛⲟⲙⲟⲥ ⲙ ⲡⲉϩⲟⲟⲩ ⲙⲛ ⲧⲉⲩϣⲏ.
ϥⲛⲁⲣ-ⲑⲉ ⲙ ⲡϣⲏⲛ ⲉⲧⲣⲏⲧ ϩⲓϫⲛ ⲙⲙⲁ ⲛ ϩⲁⲧⲉ ⲙ ⲙⲟⲟⲩ.
ⲡⲁⲓ ⲉⲧⲛⲁϯ ⲙ ⲡⲉϥⲕⲁⲣⲡⲟⲥ ϩⲙ ⲡⲉϥⲟⲩⲟⲉⲓϣ
ⲉ-ⲛⲛⲉϥϭⲱⲱⲃⲉ ⲛⲁⲥⲣⲟϥⲣⲉϥ ⲁⲛ,
ϩⲱⲃ ⲛⲓⲙ ⲉⲧϥⲛⲁⲁⲁⲩ ⲛⲁⲥⲟⲟⲩⲧⲛ.
ⲛ ⲧⲁⲓ ⲁⲛ ⲧⲉ ⲑⲉ ⲛ ⲛⲁⲥⲉⲃⲏⲥ,
ⲛ ⲧⲁⲓ ⲁⲛ ⲧⲉ ⲑⲉ,
ⲁⲗⲗⲁ ⲉⲩⲛⲁⲣ-ⲑⲉ ⲙ ⲡϣⲟⲉⲓϣ
ⲉ-ϣⲁⲣⲉ-ⲡⲧⲏⲩ ⲑⲗⲟϥ ⲉⲃⲟⲗ ϩⲓϫⲙ ⲡϩⲟ ⲙ ⲡⲕⲁϩ.
ⲉⲧⲃⲉ ⲡⲁⲓ ⲙⲛ-ⲁⲥⲉⲃⲏⲥ ⲛⲁⲧⲱⲟⲩⲛ ϩⲛ ⲧⲉⲕⲣⲓⲥⲓⲥ
ⲟⲩⲇⲉ ⲣⲉϥⲣ-ⲛⲟⲃⲉ ϩⲛ ⲧⲥⲩⲛⲁⲅⲱⲅⲏ ⲛ ⲛⲇⲓⲕⲁⲓⲟⲥ,
ϫⲉ ⲡϫⲟⲉⲓⲥ ⲥⲟⲟⲩⲛ ⲛ ⲧⲉϩⲓⲏ ⲛ ⲛⲇⲓⲕⲁⲓⲟⲥ,
ⲧⲉϩⲓⲏ ⲇⲉ ⲛ ⲛⲁⲥⲉⲃⲏⲥ ⲛⲁϩⲉ ⲉⲃⲟⲗ.
Happy are those who do not follow the advice of the wicked
or take the path that sinners tread
or sit in the seat of scoffers,
but their delight is in the law of the Lord,
and on his law they meditate day and night.
They are like trees planted by streams of water,
which yield their fruit in its season,
and their leaves do not wither.
In all that they do, they prosper.
The wicked are not so
but are like chaff
that the wind drives away.
Therefore the wicked will not stand in the judgment
nor sinners in the congregation of the righteous,
for the Lord watches over the way of the righteous,
but the way of the wicked will perish.
